1. Жалпы мәліметтер
Лагерь Павлодар облысы, Баянауыл ауданы, Торайғыр ауылында орналасқан. Ұйымдастырушысы – «Балалар шығармашылық үйі» КМҚК. Лагерь маусымдық, қала сыртындағы шағын сауықтыру орталығы болып табылады. 4 ауысымда жалпы саны 160 бала қамтылады. Барлық демалушылар (әлеуметтік қорғалмаған топтар) категориясы бойынша толықтай тегін жолдамамен демалады.
2. Бағдарламаның мақсаты мен бағыты
Бағдарлама «Біртұтас тәрбие : Адал азамат» тұжырымдамасы негізінде жасалған. Басты мақсат – балалардың азаматтық бірегейлігін, шығармашылық әлеуетін, салауатты өмір салтын және әлеуметтік жауапкершілігін қалыптастыру үшін қауіпсіз әрі дамытушы орта құру.
3. Танымдық және сауықтыру іс-шаралары
Экскурсиялар мен саяхаттар: Қоңырәулие үңгіріне, Найзатас тауларына, сондай-ақ Кемпіртас, Әулиебұлақ және Сарыадыр бұлақтарына танымдық саяхаттар ұйымдастырылады.
Мәдениет және білім: Қ.И.Сатпаев пен С.Торайғыров атындағы музейлерге және Торайғыр ауылдық кітапханасына бару.
Сауықтыру: Сабындықөл көлінің арнайы жағажайында шомылу шаралары.
4. Ұйымдастыру ерекшеліктері
2026 жылғы жазғы маусымда 4 ауысым жоспарланған (әр ауысым – 12 күн). Балалар жас ерекшеліктеріне қарай 3 жасаққа бөлінеді. Бағдарлама аясында кешкі мәдение іс-шаралар, квесттер, дебаттық алаңдар және күнделікті «Шырақ жанындағы әңгіме» рефлексиясы өткізіледі.
5. Күтілетін нәтижелер
Балалардың азаматтық құндылықтарын қалыптастыру, денсаулықтарын нығайту және шығармашылық дағдыларын дамыту. Ауысым соңында қатысушылардың қанағаттану деңгейінің кемінде 85% болуы көзделеді.
